Раштав уйӑхӗн 2- мӗшӗнче И. Я. Яковлев ячӗллӗ Чӑваш патшалӑх педагогика университетӗнче шкул ачисен "Хавал" ӑслӑлӑхпа практика пӗрремӗш конференцийӗ иртрӗ. Кунта хутшӑнакан кашни вӗренекен ӑслӑлӑха кӗме хӑйне валли ҫул уҫрӗ. Пирӗн шкул чысне 6-мӗш класра вӗренекен Антонова Анастасия хӳтӗлерӗ Ачасем те, ӑслӑлӑх ертӳҫисем те пӗр -пӗрин ӗҫӗсемпе паллашса нумай ҫӗнни, кӑсӑкли пӗлчӗҫ. Пур ӗҫе те пӑхса тухнӑ хыҫҫӑн тӳресем ачасене малалла та ҫакӑн пек тӗпчев ӗҫӗсем ҫырма, шырав ӗҫне аталантарма кирлӗ сӗнӳсем пачӗҫ.Конференци пӗтӗмлетӗвӗ чи пӑлхануллӑ самант пулчӗ. Кашниех хӑйӗн тӗпчев ӗҫне чи актуалли тесе шутларӗ, пысӑка хурса хакларӗ. Настя хисеплӗ тӳресем умӗнче "Тӑван тавралӑх секцийӗ" номинацире хӑйӗн тӗпчев ӗҫне чыслӑн хӳтӗлесе 2-мӗш вырӑн йышӑнчӗ, диплом тата парне илме тивӗҫ пулчӗ. Настьӑна саламлатпӑр, татах та пысӑк ҫитӗнӳсем тума ӑнӑҫу сунатпӑр.