Ака уйăхĕн 26-мĕшĕнче Москакасси шкулӗнче "Пӗтӗм чӑваш диктанчĕ-2023" иртрĕ. Кӑҫал диктант Иван Яковлевич Яковлев ҫинчен Юхма Мишши ҫырнӑ текст тӑрӑх пулчӗ.
Пĕрлĕхлĕ диктантăн тĕп тĕллевĕ - тĕрĕс çырма пĕлнин кирлĕлĕхне, тăван чĕлхене вĕренме çăмăл мар, анчах интереслĕ тата усăллă пулнине кăтартса парасси, тăван чĕлхепе çырма тата калаçма кăмăл пур çынсене пĕр тĕвве пухасси.
Мероприятие чăваш филологи кафедри йĕркелесе ирттерчĕ. «Пĕрлĕхлĕ диктанта» кашни кăмăл тунă çынах (ÿсĕмне, арçын е хĕрарăм, хăш тĕн çынни пулнине, пĕлÿ шайне, çемьеллĕ е пĕччен пулнине, епле профессире тăрăшнине шута илмеççĕ) хутшăнма пултарчĕ.
Мероприятие 23 çын хутшăнчĕ. Диктант çыракансен йышĕнче тава тивĕçлĕ учительсемпе преподавательсем, чăваш хастарĕсем, таврапĕлÿçĕсемпе библиотека ĕçченĕсем пулчĕç.
Пĕрлĕхлĕ диктант çырнисенчен кашниех акцие хутшăннине çирĕплетекен сертификатлă пуле.
Йĕркелÿçĕсен шучĕпе, акцие хутшăнни – хăвна хăв тĕрĕслени, хăвăнпа хăв ăмăртни.
Акцие йĕркелекенсем «Пӗтӗм чӑваш диктант 2023» хутшăннисене пурне те тав тăваççĕ.
