Нарӑс уйӑхӗн 22-мӗшӗнче В. А. Верендеев ячӗллӗ Мӑн Сӗнтӗр шкулӗнче регионсем хушшинче ирттернӗ Тӑван чӗлхе кунне тата Телейлӗ ачалӑх ҫулталӑкне халалланӑ "Йӑла-йӗрке уявӗ" фестивале пирӗн вӗрентекенсемпе вӗренекенсем те хутшӑнчӗҫ. Чӑваш халӑхӗн авалтан пыракан йӑли-йӗркине, культура пуянлӑхне кӑтартас тӗллевпе тӗрлӗ ӑмӑртусенче хӑйсен пӗлӗвне кӑтартрӗҫ. "Асанне арчинчи тупра" ӑмӑртура Антонова Анастасийӑпа Мостова Полина 3-мӗш вырӑн йышӑнчӗҫ (ертӳҫисем Пушкина И. И., Васильева М. В.). "Подиум ҫинче - авалхи тум" ӑмӑртура Емельянова Вероникӑпа Поркина Анастасия 1- мӗш вырӑн ҫӗнсе илчӗҫ (ертӳҫи Парандеева А. В.). "Кашни ҫын тӑван халӑха хисеплеме пӗлтӗр, унӑн ҫепӗҫ чӗлхипе уҫҫӑн калаҫма пултартӑр, йӑли-йӗркипе мӑнаҫлантӑр",- терӗҫ ӑмӑртӑва хутшӑнакансем.