Чӑваш Республикин пуçлӑхĕн О.А. Николаевӑн указĕпе килĕшÿллĕн, чӑваш тĕррин кунне çулсеренех ноябрĕн 26-мĕшенче туса ирттерме палӑртнӑ. Çак куна ахальтен мар туса ирттересси çинче чарӑнса тӑнӑ. Чӑваш тĕррине асаннесем мĕн ĕмĕртен ламран лама тĕрлесе упраса хӑварассишĕн тӑрӑшнӑ. Çак ĕçе малалла пирĕн çамрӑк ӑрӑва вĕрентсе, чӑваш тĕррине упраса хӑварма тӑрӑшмалли çинчен каланӑ Олег Алексеевич Николаев.
Пирĕн Муркаш районĕнче те ӑстаçӑсем сахал мар. Акӑ Муркашри тури чӑвашсен музейĕнче методист пулса вӑй хуракан Валентина Васильена Андреева çак ĕçе ачасене вĕртсе пырать.
Москакасси культура Çурчĕн ĕçченĕсем Чӑваш тĕрри кунне кĕтсе илме ятарласа программа хатĕрлерĕç.Москакасси вӑтам шкулĕнче 5-6 классенче вĕренекен хĕрачасемпе чӑваш тĕррин вӑрттӑнлӑхне уçса пама В.А.Андреевӑна йыхравларӑмӑр, вӑл çак тĕлпулӑва хаваспах килме килĕшрĕ. Библиотекӑна 14 хĕрача тата икĕ вĕрентекен О.Н.Стлояровӑпа О.В.Поркина килсе çитрĕç. Вĕсем çавра сĕтел хушшине ларса тухсан, Валентина Васильевна хĕрачасене тĕрĕ тĕрлемелли ĕç хатĕрĕсем парса тухрĕ. Малтанах вӑл чӑваш тĕррин эрешĕ, асамлӑхĕ пирки кĕскен каласа пачĕ, унтан пĕрремĕш сиктерÿллĕ çĕвĕ, шыв юххи тата ытти çӑмӑлтарах тĕрĕсене тĕрлеме хӑнӑхтарса пычĕ. Хĕрачасем хаваспах вĕренсе пычĕç çак ĕçсене туса пыма. Эпир те, культура ĕçченĕсем, вĕрентекенсемпе тата ачасемпе пĕрле тĕрлеме вĕренсе пытӑмӑр. Чӑнах та, чӑваш тĕррин вӑрттӑнлӑхĕ питех те кӑсӑклӑ та интереслĕ. Сехет çурӑ хушшинче ачасем чылайӑшĕ çак ĕçе тирпейлĕн тума вĕренчĕç.
Муниципальное бюджетное общеобразовательное учреждение "Москакасинская средняя общеобразовательная школа" Моргаушского муниципального округа Чувашской Республики
