Паян, кăрлач уйăхĕн 31-мĕшĕнче, Москакасси шкулĕнче пысăк уяв иртрĕ. Ĕнер хăйсен пултарулăхĕпе  1-мĕш тата 2-мĕш класра  вĕренекенсем паллаштарчĕç . Паян Театр çулталăкне халалланă уява 3-4 классем пухăнчĕç. Чăнах та, пирĕн ачасем маттур та пултарулли курăнса тăчĕ.  3 «б» класра вĕренекенсем вырăсла юмах «Зеркало» кăтартса пачĕç. (класс ертÿçи Бирюкова Е.А.). 3 «а» класра вĕренекенсем чăвашла илемлĕ, çепĕç калаçнине итлесе ларма питĕ кăмăллă пулчĕ. Вĕсем «Колобок» юмах  лартса пачĕç. (класс ертÿçи Желтова С.Ф.) Уйрăмах паянхи уявра куракансене 4-мĕш класра вĕренекенсем тĕлĕнтерчĕç. «Гадкий утенок» юмаха вĕсем акăлчанла çăмăллăн калаçса чăн-чăн артистсем пек выляса пачĕç.  (ертÿçисем Семенова И.В. тата Миронова Н.А.) Паянхи уява пĕтĕмлетсе директор çумĕ Васильева Марина Вячеславовна ачасене тата класс ерÿçисене тав сăмахĕ каларĕ.

 Театр çулталăкĕнче малашне те çакăн пек пуян та илемлĕ уявсем пуласса  шанса тăратпăр.