Ҫĕнĕ 2019-мĕш  ҫул ҫывхарса та ҫывхарсах килет.  Ҫĕнĕ  ҫул  уявĕ яланах  чи юратнă уявсенчен пĕри пулса тăрать ачасемшĕн те, ҫитĕннисемшĕн те… Ҫак уява эпир яланах темле асамлă туйăмпа кĕтетпĕр – килсе ҫитекен ҫул хăйпе пĕрле мĕн те пулин асамли, илемли, ҫĕнни илсе килессе шанатпăр. Уява пур ҫын та  малтанах хатĕрленме пуҫлать – чăрăш йывăҫҫине, кил-ҫурта  капăрлатать, ҫĕнĕ ҫи-пуҫ илме васкать, парнесем илсе хатĕрлет…  Ҫĕнĕ ҫул пăтăрмахĕ – чи юратнă, хаваслă пăтăрмахсенчен пĕри!!!

     Москакассинчи вăтам шкулта вĕренекен ачасем те чăтăмсăррăн кĕтрĕç çак уява. Паян, раштав уйахен 29-мěшěнче,  1-11–мěш  класра вĕренекенсем тулли кăмăлпа  Çěнĕ  çул уявне пуçтаранчĕç.  Çĕн çул ташшисене ташларĕç, юрăсем юрларĕç, Хĕл Мучипе Юр пике ачасене парнесемпе савăнтарчĕç!