Май уйăхěнче пирěн районти ача-пăча общество организацийěсен фестивалě Вěренÿ кунěн уявěпе пěрле иртет. Вěренÿ çулне пěтěмлетекен çак уява кашни  шкултанах Муркаша чи пултаруллă вěренекенсем пухăнчěç. Кашни шкул ятарлă мастер-класс ирттерчě. Москакасси шкулěнче 9-мěш класра вěренекен Гурьянова Кристина ÿнер исскуствине кăмăлланă май ачасене ÿкерме вěрентрě.Çапла вара кашнин патěнче «хăнара» пулса ачасем кěске вăхăтрах темěн ăсталама та вěренчěç, вăл е ку ěçе йěркелессин меслечěсемпе паллашрěç.

Вěренÿре «5» паллăсемпе кăна вěренекенсене район администрацийěн пуçлăхě Ростислав Николаевич Тимофеев саламларě, малашне те ăнăçу сунчě. Москакасси шкулěнчен вара район администрацийěн пуçлăхěн стипендине тивěçекенсем 2017-2018 вěрěнÿ çулěнче Медунгина Карина, Васильева Рада, Феоктистова Екатерина, Кулькова София пулчěç. Эпир те вěсене саламлатпăр, вěренÿре ăнăçу сунатпăр, ěмěтленнисем вěсен яланах пурнăçланса пыччăр.