Ачасене тăван халăх йăли-йěркине тытса пыма хăнăхтарас тата шкул ачисен тăван халăх чěлхипе литературине, историпе культурине  вěренес кăмăлне çěклес тěллевпе ака уйăхěн 28-мěшěнче Калайкасси шкулěнче Иван Яковлевич Яковлев çуралнăранпа 170 çул тултарнине халалланă «Чăваш ачи чăвашах» фестиваль иртрě. Москакасси шкулěнче вěренекен 3-мěш класс ачисем хăйсене чăн-чăн артистсем пек тытса пурне те Мăнкун уявěпе паллаштарчěç, çак фестивальре 2-мěш вырăн çенсе илме пултарчěç (ертÿçисем Миронова Н.А. тата Макаров А.В.). Ачасене уйрăмах пылак парне кăмăла кайрě. «Сар каччăпа сарă хěр» ăмăртăва Антонова Катьăпа Пашков Сергей хутшăнчěç. Вěсем «Хастар çамрăксем» номинаци çентерÿçисем пулса тăчěç.