Çулталăк тăршшĕпех чăваш халăхĕ тĕрлĕ уявсемпе йăла-йĕркесем ирттернĕ.  Авалхи йăлана аса илес тĕлĕшпе краеведени кружокне çÿрекен ачасем те «Сĕрен» сценка хатĕрлерĕç.  Улттăмĕш класра вĕренекенсем хаваспах ача-пăча сăвви-юррине, ташшисене аса илчĕç. Ку сценкăпа ачасем районта ирттернĕ «Муркаш районĕ. Йăла-йĕркесем, уявсем» ятлă конкурса хутшăнчĕç. 6-мĕш класра вĕренекенсем Сĕрен уявĕн йăли-йĕркипе, юрри-ташшипе паллаштарчĕç. Чăн-чăн артистсем пек вылярĕç сцена çинче  Коля Миронов, Настя Поркина, Настя Колесникова, Катя Смирнова, Ксюша Крылова, Максим Поркин, Рома Расколов, Полина Кузнецова, Давид Столяров,  Катя Бобыкина, Вероника Емельянова, Катя Сорокина, Диана Шарикова. Ытти ушкăнсем хушшинче вĕсем 1-мĕш вырăн йышăнчĕç. Ачасем малашне те хамăр тăрăхри ытти уявсемпе йăла-йĕркесене  çĕнĕрен чĕртсе халăх умне кăларма тĕллев лартрĕç.

Районта ирттернĕ «Муркаш районĕ. Йăла-йĕркесем, уявсем» ятлă конкурса хутшăнса 1-мĕш йышăнчĕç.