Кăçал пирĕн çĕршывра экологи çулталăкĕ  иртет. Тавралăха тирпейлĕ  те таса упрас тесе кашнин тăрăшмалла. Вăл çÿп-çаппа тулса ларасран эпир те нумай ĕç тума пултаратпăр: кирлĕ мар япалана ăçта кирлĕ  унта пăрахмастпăр. Вĕсем валли хуласенче  ятарлă  вырăнсем пур пулсан, ялсенче те пĕр çĕре пухса тивĕçлĕ  вырăна ăсатма пулать-çке. Çакна пирĕн шкулта вĕренекен ачасем питĕ  лайăх пĕлеççĕ.  «Çут çанталăкăн  илемĕ, пуянлăхĕ, пуласлăхĕ – пирĕнте, ачасенче. Çут çанталăка упрамалла, юратмалла,» - теççĕ  вĕсем. Çавăнпа та экологи проблемипе çыхăннă конкурссенче яланах хутшăнма тăрăшаççĕ. Республика шайĕнче иртекен «Экология важна, людям всем она нужна» район этапĕнчи конкурса пирĕн шкул 3 спектакльпе тухма пултарчĕ. Конкурсăн тĕллевĕ – ачасене мĕн пĕчĕкрен çут çанталăка юратма, сыхлама вĕрентесси.

        3 класра вĕренекен çут çанталăк тусĕсем «Цветик-семицветик» юмахра хайсене чăн-чăн артистсем пек кăтартрĕç   (ертÿçи Федорова Роза Гурьевна).  6 класра вĕренекен ачасем вара «Сĕткенлĕ хурăн» спектакльпе тухрĕç (ертÿçи Васильева Марина Вячеславовна). Чи пултаруллисен шутенче  вара  7 класри «Хĕлхемпе çунакан чĕресем» ушкăн пулчĕ.  Вĕсем «Асамлă  вăрман» юмахпа 2  вырăн çĕнсе илме пултарчĕç (ертÿçисем Поркина Елена Владисовна тата Васильева Марина Вячеславовна).

          Ачасене çакна сунас килет: шкул пурнăçĕ яланах  хаваслă,  пуян,  çутă, интереслĕ пултăр!  Вĕренÿри çитĕнÿсем кунсеренех савăнтарччăр! Маттурсем!!!