Аслă вěрентекенěмěре И.Я.Яковлева сума суса паян кěçěн класри ачасем асăну каçне ирттерчěç.

Малтанах Настя Поркина чăваш халăхěн Улăпě И.Я.Яковлев çинчен каласа пачě. Иван Яковлевич чăваш халăхне, унăн ачи-пăчине чăвашла вěрентессишěн нумай тăрăшнă. Пěрремěш чăваш алфавитне , «Чăваш букварьне» те кăларнă, тăван халăх вали халал çырса хăварнă.Çапла çěкленÿллěн каласа пачě Настя çак тěлěнмелле пултаруллă çын çинчен.

Малалла ачасем чăваш халăхěн юрри-ташшин илемлěхне туйса илме пултарчěç. Чăвашла сăвăсем, юрăсем, шÿтсем янăрарěç залра.

Юлашкинчен ачасем çапла тупа турěç: «И.Я.Яковлев халалěсене яланах асра тытăпăр! Пурнăçра чăн-чăн çын пуласчě!» Çапла пултăр!