Раççейре Литература çулталăкĕ иртнĕ май пирĕн шкулта та тĕрлĕ  интереслĕ мероприятисем иртрĕç. Юпа уйăхĕн 21-мĕшĕнче вырăссен чаплă поэчĕ Сергей Есенин çуралнăранпа 120  çул тултарнине паллă турĕç.

  8-мĕш класс ачисем «Есенин поэзинчи тăван çĕршыв» ятпа литература каçĕ хатĕрлерĕç. Вĕренекенсем илемлĕн сăвă  вулассипе ăмăртрĕç. Çавăн пекех литература вулавĕсем интереслĕ иртрĕç. «Словарьсем- пирĕн ырă пулăшуçăсем» темăпа калаçу ирттерчĕç. Пулас журналистсем стена хаçачĕсем, буклетсем кăларчĕç.