Кам-ха, кам çак халǎха пĕлет:

Вǎл çĕр пин сǎмахпала пуплет.

Çĕр пин юрǎ-çемĕ кĕвĕлет,

Çĕр пин тĕслĕ тĕрĕ вǎл тĕрлет…-

тенĕ чǎваш халǎх поэчĕ Петĕр Хусанкай хǎйĕн «Йыхрав» сǎввинче. Пирĕн тǎван халǎх  капǎр та çепĕç чĕлхеллĕ, сǎвви-юрри чуна уçать. Çак пуянлǎхпа эпир чǎннипех те мухтанма пултаратпǎр. Юлашки вǎхǎтра эстрада юрри вǎйлǎ аталанни куçкĕрет. Вǎл пирĕн пурнǎçа çĕнĕ чĕрĕлĕх, илем, хавхалану кĕртрĕ. Пирĕн шкулта чǎваш чĕлхи эрни вǎхǎтĕнче эстрада юррисен фестивалĕ «Эх, юррǎм, янǎра!» ятпа  иртрĕ. Уява 8-мĕш класра вĕренекен Захарова Ленǎпа Лобастова Настя ертсе пычĕç. Кашни класс çак уява тĕплĕ хатĕрленнĕ. Жюри членĕсем пулас артистсем хǎйсене сцена çинче мĕнле тытнине, мĕнле юрланине кура вĕсен ĕçĕсене хак пачĕç. 5-мĕшсемпе 11-мĕшсем çĕнтеруçĕсем пулса тǎчĕç. «Пилеш кайǎксем» юрра шǎрантарса 8-мĕш класс ачисем  II вырǎна тухрĕç. III вырǎн йышǎннǎ 6-мĕш классем «Илемлĕ, илемлĕ» юрǎпа залра ларакансене тыткǎнларĕç. Чǎваш халǎхĕн кашни юрри тарǎн шухǎшлǎ, кǎмǎл-туйǎма хускатать. Паянхи конкурс çакна çирĕплетсе пачĕ .